نشعل الفرن يسخن على 180 درجة و ندهن قالب كيك بالزيت و نرشه بالفرينة
نخلط جيدا بالـ batteur البيض مع السكر و الفانيليا حتى يصبح الخليط ابيض قليلا، ثم نضيف الزيت و نخلط ثم الياهورت و نخلط، ثم نضيف الفرينة و الخميرة مغربلين و نخلط باليد حتى يصبح الخليط ناعم، ثم نضيف النشاء و نخلط جيدا
نفرغ الخليط في القالب و ندخله للفرن على 180 درجة حتى يطيب الكيك و يأخذ لون ذهبي، ثم نتركه يبرد تماما قبل نزعه من القالب
لتحضير الغلاصاج نضع الكريمة الطازجة و الشوكولا و الزبدة فوق نار قليلة و نخلط بدون توقف حتى يذوبوا ثم نطفئ النار و نضيف الملون بكميات قليلة و نخلط جيدا حتى نتحصل على اللون المطلوب
نترك الغلاصاج يبرد قليلا و يصبح ثقيل ثم نضعه فوق الكيك و نزينه بحلوة ملونة، و التزيين يبقى دائما اختياري
بالصحة و الهنا