خبيزات صغار بالفلفل و الجبن - مطبخ ام وليد

الأحد 09 ديسمبر 06:32

: المقادير

  • 3 كأس فرينة
  • 1 م ك خميرة الخبز
  • 1 م ص خميرة الحلويات
  • 1 م ص سكر
  • 1 م ك مارغرين طرية
  • ماء دافئ
  • فلفلة
  • شرائح الزيتون
  • جبن مبشور
  • ملح

: طريقة التحضير

 

نخلط الفرينة مع خميرة الخبز و خميرة الحلويات و السكر ثم نضيف الملح و نخلط، ثم نجمع الخليط بالماء دافئ حتى نتحصل على عجينة تلتصق، ثم نضيف المارغرين و ندلك العجينة حوالي دقيقتين ثم نغطيها و نتركها تخمر لمدة نصف ساعة على الاقل حتى يتضاعف حجمها

 

ندهن اليدين بالزيت ثم نقسم العجينة الى 6 اجزاء متساوية ثم نشكلهم كريات و نضعهم في صينية مدهونة بالزيت ثم نفتح كل كرية على شكل خبيزة بحيث وسطها رقيق اكثر من الاطراف

 

ندهن الخبيزات بالبيض ثم نضع الفلفلة و شرائح الزيتون على الاطراف و نضع الجبن المبشور في الوسط، و التزيين يبقى دائما اختياري، ثم نتركهم يرتاحوا لمدة 15 دقيقة

في النفس الوقت نشعل الفرن يسخن على 220 درجة، ثم ندخلهم للفرن نشعله من الاسفل فقط حتى يطيبوا ثم نشعله من الاعلى حتى يحمروا

بالصحة و الهنا

: كما يمكنكم مشاهد طريقة تحظير هذه الأكلة عبر الفيديو التالي